Londonning "Chelsi" klubi hujumkor yarim himoyachi Xavi Simonsning transferi borasida "RB Leypsig" bilan kelishib olmoqchi.

Niderlandiyalik allaqachon "ko‘klar" bilan uzoq muddatli shartnoma bo‘yicha kelishib olgan, bu haqda bir necha kun oldin xabar berilgan edi. Insayder Nikolo Skiraning yangilangan ma’lumotiga ko‘ra, klublar o‘rtasidagi muzokaralar ham muvaffaqiyatli yakunlanish arafasida. Tomonlar bitimning so‘nggi tafsilotlarini hal qilishlari kerak edi. Qayd etilishicha, muhokamalar jarayonida londonliklar bosh murabbiyi Enso Mareska asosiy rolni o‘ynagan.

Transfermarkt ekspertlari Xavi Simonsning narxini 70 mln yevroga baholamoqda. O‘tgan mavsumda 22 yoshli futbolchi "RB Leypsig" safida 33 ta o‘yinda maydonga tushib, 11 ta gol va 8 ta golli uzatmaga mualliflik qilgan.