"Астон Вилла" ҳужумчиси Олли Уоткинс фаолиятини "Манчестер Юнайтед"да давом эттиришга тайёр.
"Қизил иблислар" трансфер ойнаси ёпилгунга қадар янги форвард билан шартнома имзолашга умид қилмоқда ва Уоткинс кўриб чиқилаётган номзодлардан бири. Журналист Бен Жейкобснинг ёзишича, "Вилла"нинг 29 ёшли юлдузига "Манчестер Юнайтед"га ўтиш варианти жуда қизиқ. Бирмингем клубига яқин манбаларнинг фикрича, трансферни амалга ошириш учун тахминан 50 млн фунт (деярли 58 млн евро) керак бўлади.
Олли Уоткинсни қўлга киритишга Александр Исакга ўринбосар излаётган "Ньюкасл" ҳам қизиқиш билдирмоқда. Transfermarkt экспертлари англияликнинг нархини 40 млн еврога баҳоламоқда.













