Мадриднинг "Реал" ва Италиянинг "Милан" клублари собиқ ҳужумчиси Лука Йович фаолиятини Мексика чемпионатида давом эттириши мумкин.
Сербиялик футболчига "Крус Асуль" клубидан таклиф бор, бироқ у ҳали якуний қарорга келгани йўқ, деб ёзади журналист Фабрицио Романо ўз ижтимоий тармоқларида.
Футболчи оиласи билан маслаҳатлашмоқда ва ҳозирча клуб раҳбариятига жавоб бергани йўқ.
Эслатиб ўтамиз, аввалроқ футболчи Москванинг "Спартак" клубига таклиф қилингани, аммо "қизил-оқлар" унинг хизматларидан воз кечгани хабар қилинганди.
2024/2025 йилги мавсумда Йович "Милан" сафида А Серия ва Италия кубогида 17 та ўйинда майдонга тушиб, тўртта гол урган. Айни пайтда 27 ёшли форвард эркин агент ҳисобланади. Унинг бозор қиймати 4,5 млн еврони ташкил этади.
