Madridning "Real" va Italiyaning "Milan" klublari sobiq hujumchisi Luka Yovich faoliyatini Meksika chempionatida davom ettirishi mumkin.
Serbiyalik futbolchiga "Krus Asul" klubidan taklif bor, biroq u hali yakuniy qarorga kelgani yo‘q, deb yozadi jurnalist Fabrisio Romano o‘z ijtimoiy tarmoqlarida.
Futbolchi oilasi bilan maslahatlashmoqda va hozircha klub rahbariyatiga javob bergani yo‘q.
Eslatib o‘tamiz, avvalroq futbolchi Moskvaning "Spartak" klubiga taklif qilingani, ammo "qizil-oqlar" uning xizmatlaridan voz kechgani xabar qilingandi.
2024/2025 yilgi mavsumda Yovich "Milan" safida A Seriya va Italiya kubogida 17 ta o‘yinda maydonga tushib, to‘rtta gol urgan. Ayni paytda 27 yoshli forvard erkin agent hisoblanadi. Uning bozor qiymati 4,5 mln yevroni tashkil etadi.













