"Челси" ҳимоячиси Ише Самуэльс-Смит фаолиятини Францияда давом эттиради. Football.London хабарига кўра, инглиз клуби 19 ёшли инглизни "Страсбур"га сотади.
Манбага кўра, шахсий шартнома шартлари бўйича бир неча ҳафталик музокаралардан сўнг, келишув якунланишига оз қолди. Дастлаб, Самуэльс-Смит ижарага берилиши режалаштирилганди, аммо якунда ҳимоячи тўлиқ "Страсбур" футболчисига айланиши маълум бўлди.
Футболчи икки йил олдин "Эвертон"дан тахминан 4 миллион фунт эвазига "Челси"га ўтган.
Самуэльс-Смит 2024/25 йилги мавсумда "Челси" ёшлар жамоаси сафида 31 та ўйинда майдонга тушиб, 2 та гол урди ва 6 та голли узатмани амалга оширди.
