"Chelsi" himoyachisi Ishe Samuels-Smit faoliyatini Fransiyada davom ettiradi. Football.London xabariga ko‘ra, ingliz klubi 19 yoshli inglizni "Strasbur"ga sotadi.
Manbaga ko‘ra, shaxsiy shartnoma shartlari bo‘yicha bir necha haftalik muzokaralardan so‘ng, kelishuv yakunlanishiga oz qoldi. Dastlab, Samuels-Smit ijaraga berilishi rejalashtirilgandi, ammo yakunda himoyachi to‘liq "Strasbur" futbolchisiga aylanishi ma’lum bo‘ldi.
Futbolchi ikki yil oldin "Everton"dan taxminan 4 million funt evaziga "Chelsi"ga o‘tgan.
Samuels-Smit 2024/25 yilgi mavsumda "Chelsi" yoshlar jamoasi safida 31 ta o‘yinda maydonga tushib, 2 ta gol urdi va 6 ta golli uzatmani amalga oshirdi.













