"Челси" маълум шарт билан "Манчестер Юнайтед" вингери Алехандро Гарначони ўз сафига қўшиб олиши мумкин.
Лондон гранди "Лейпциг"дан Хави Симонс трансферини ёпмоқда ва август ойидаёқ Гарначо трансфери устида иш бошлаши мумкин. Инсайдер Фабрицио Романонинг ёзишича, аргентиналик футболчини ўз сафига қўшиб олишдан аввал "кўклар" Кристофер Нкунку ва Раҳим Стерлинг билан хайрлашишига тўғри келади. Бундан ташқари, пойтахт клуби "қизил иблислар"нинг Рубен Аморим ишонмаётган 21 ёшли футболчи учун сўраётган катта нархини ҳам тўлай олиши аниқ эмас.
Яна бир манбага кўра, "Челси" Алехандро Гарначо учун 35 млн евродан ортиқ тўламайди.













