"Chelsi" ma’lum shart bilan "Manchester Yunayted" vingeri Alexandro Garnachoni o‘z safiga qo‘shib olishi mumkin.
London grandi "Leypsig"dan Xavi Simons transferini yopmoqda va avgust oyidayoq Garnacho transferi ustida ish boshlashi mumkin. Insayder Fabrisio Romanoning yozishicha, argentinalik futbolchini o‘z safiga qo‘shib olishdan avval "ko‘klar" Kristofer Nkunku va Rahim Sterling bilan xayrlashishiga to‘g‘ri keladi. Bundan tashqari, poytaxt klubi "qizil iblislar"ning Ruben Amorim ishonmayotgan 21 yoshli futbolchi uchun so‘rayotgan katta narxini ham to‘lay olishi aniq emas.
Yana bir manbaga ko‘ra, "Chelsi" Alexandro Garnacho uchun 35 mln yevrodan ortiq to‘lamaydi.
