"Тоттенхэм"нинг янги бош мураббийи Томас Франк "Арсенал" билан Буюк Британиядан ташқарида бўлиб ўтадиган Шимолий Лондон дербисидан нималар кутаётганини айтиб ўтди.
Франк бўлажак ўйин нафақат мавсумга тайёргарлик, балки жамоаси учун жиддий синов бўлишини таъкидлади:
"Бу нафақат асосий рақиб билан тўқнаш келганимиз учун, балки дерби биринчи марта Буюк Британиядан ташқарида ўтказилиши учун ҳам жиддий чақириқдир. Ҳозир "Арсенал", афсуски, дунёнинг энг кучли жамоалари қаторида. Биз учун бу муҳим синов, лекин уни шунчаки ўртоқлик учрашуви деб аташ нотўғри бўлади. Бу учрашувда биз ғалаба қозониш учун ҳамма нарсани қиламиз," - дея мураббийнинг сўзларини келтиради ESPN.
Учрашув пайшанба куни Гонконгда бўлиб ўтади.
