Ўтган мавсум Англия кубогини қўлга киритган "Кристал Пэлас" клуби Миланнинг "Интер" клуби марказий ҳимоячиси Ян-Аурель Биссекни ўз сафига қўшиб олишни режалаштирмоқда. Бу ҳақда Gazzetta dello Sport нашри хабар бермоқда.
Манбага кўра, "Интер" 35 миллион евродан бошланадиган таклифларни кўриб чиқишга тайёр. "Нерадзуррилар" раҳбарияти яқинда "Вест Хэм"нинг 20 миллионлик таклифини рад этди ва "Кристал Пэлас" билан дастлабки музокараларни ўтказди. Ушбу жамоанинг таклифи бонуслар билан бирга 32 миллион еврони ташкил этди.
Бу йил Германия терма жамоасида дебют қилган футболчининг ўзи "Интер"да қолишни исташини айтиб улгурди. Ўтган мавсумда 24 ёшли Биссек клуб миқёсида 46 та ўйинда майдонга тушиб, 5 та сариқ карточка олди, 3 та гол урди ва 3 та голли узатмани амалга оширди.
