Ҳужумкор ярим ҳимоячи Аббосбек Файзуллаев ЦСКАдан Истанбулнинг "Башакшеҳир" клубларига кўчиб ўтди. Туркия Суперлига клуби 21 ёшли ўзбекистонлик футболчининг ўз сафига ўтганини расман эълон қилди. Файзуллаев беш мавсумга мўлжалланган меҳнат шартномасини имзолади.
"Биз Файзуллаевни оиламизга келиб қўшилгани билан қутлаймиз ва унга тўқ сариқ ва тўқ кўк рангли либосда муваффақиятлар тилаймиз", - дейилади клуб хабарида.
ЦСКАда икки мавсум давомида Аббосбек Файзуллаев 72 та расмий ўйинда майдонга тушиб, 8 та гол урди ва жамоадошларига 22 та голли узатмани амалга оширди. Энди Аббосбек Туркияда ўзини яхши кўрсатишга ҳаракат қилади.
