"Челси" ҳужумчиси Николас Жексон "Ньюкасл"га ўтиши мумкин. Бу ҳақда Daily Telegraph нашри хабар берди. "Лейпциг" ҳужумчиси Бенжамин Шешко инглиз клубига ўтмаса сенегаллик ҳужумчи Эдди Хау жамоасига ўтиши мумкин.
Футболчига "қарғалар"дан ташқари "Ювентус" ҳам қизиқмоқда. Италия клуби Жексонни Душан Влаховичга ўринбосар сифатида кўрмоқда. Олдинроқ, лондонликлар сенегал терма жамоаси футболчисини сотишга тайёр экани, чунки жамоага Лиам Делап ва Жоау Педро келиб қўшилгани ҳақида маълумотлар пайдо бўлганди.
Ўтган мавсумда Жексон "Челси" сафида барча турнирлар доирасида 37 та ўйинда майдонга тушиб, 13 та гол урди ва 6 та голли узатмани амалга оширди. Transfermarkt портали маълумотларига кўра, футболчининг бозор қиймати 50 миллион еврони ташкил қилади.
