"Манчестер Юнайтед"нинг ёзги трансфер бозоридаги вазифаларидан бири янги дарвозабонни қўлга киритишдир. Андре Онана ўтган мавсумда кўп хатоларга йўл қўйди ва камерунлик посбон жароҳат олди.
The Telegraph нашри хабарига кўра, "қизил иблислар" аллақачон "ПСЖ"га Жанлуижи Доннарумма бўйича сўров юборишган. Лига 1 гранди "манкунианликлар" учун тез орада италиялик дарвозабон билан алоқаларни тиклашга тайёр. "ПСЖ" 26 ёшли Доннаруммани бир йил ичида текинга бой бермаслик учун шу ёзда сотишга мажбур бўлиши мумкин. Гап шундаки, футболчи ва клуб ўртасида янги шартнома бўйича музокаралар қийин кечмоқда.
