"ПСЖ" дарвозабони Жанлуижи Доннарумма "Ювентус"нинг қизиқишлар рўйхатидан ўрин олган.

Италиялик ёздаёқ парижликлар сафини тарк этиши мумкин - томонлар бир йилдан кейин тугайдиган шартномани узайтиришга келиша олишмаган. Инсайдер Фабрицио Романонинг маълум қилишича, "Ювентус" Доннаруммани сотиб олиш имкониятини муҳокама қилган. 26 ёшли дарвозабон "кекса синьора" эътиборида қолмоқда, аммо ҳозирча бирор аниқ ҳаракат бўлмаган.

Туринликларнинг янги мавсумдаги "биринчи рақамли" дарвозабони Микеле ди Грегорио бўлиб қолиши кутилмоқда. Янги дарвозабонни таклиф қилиш "Ювентус"нинг жорий трансферлар давридаги устувор вазифалари сирасига кирмайди.