Ҳужумкор ярим ҳимоячи Карлес Перес яқинда "Сельта"дан Грециянинг "Арис" жамоасига ижара асосида ўтди. Салоникида 27 ёшли футболчи билан нохуш ҳодиса юз берди. Перес итини сайр қилдираётганда, тўсатдан бошқа ит унинг итига ташланди. Карлес аралашмоқчи бўлганида, жинсий аъзолари соҳасидан оғриқли тишлаб олинди.

Перес касалхонага ётқизилди, бироқ тез орада уйда даволанишга юборилди. Шифокорлар футболчининг соғайишини назорат қилиб боришади. AS нашрининг ёзишича, Карлеснинг аҳволи оғир экани ҳақидаги дастлабки хабарлар ўз тасдиғини топмади.

2012 йилда Карлес Перес "Барселона"нинг ёшлар жамоасига қўшилди. У "Рома"га ўтишидан олдин Каталония клубида саккиз йил ўйнади. "Кўк-анорранглилар"нинг асосий таркибида Перес 13 та ўйинда иштирок этиб, иккита гол урди ва учта голли узатма берди.