"Бавария" президенти лавозимида ишлаб келаётган Герберт Хайнер Юлиан Нагельсманн ҳақидаги саволга жавоб берди.

Мураббий 2023 йилнинг баҳорида Мюнхен клубини тарк этди ва орадан олти ой ўтиб Германия терма жамоаси бошқарувини ўз қўлига олди.

"Албатта, Юлиан терма жамоага кайфиятни қайтарди. 2026 йилги жаҳон чемпионатида осон бўлмайди, гарчи Германия ҳар доим муваффақиятга эришиш учун яхши имкониятга эга бўлса ҳам. "Бавария" футболчилари одатда терма жамоа асосини ташкил этади - бу клубимиз учун ёқимли анъана. Бизнинг асосий устувор вазифамиз - "Бавария"нинг муваффақияти, аммо, албатта, биз ҳар доим терма жамоанинг ютуқларидан хурсандмиз," - деди Хайнер Sport Bild нашрига берган интервьюсида.

Евро-2024'га мезбонлик қилган Германия терма жамоаси 1/4 финалга қадар етиб борди ва у ерда бўлажак чемпион - испанияликларга имкониятни бой берди.