"Кристал Пэлас" ҳужумчиси Жан-Филипп Матета Италиянинг "Аталанта" клуби трансфер мақсадига айланди.
Бергамо клуби 28 ёшли футболчи учун тахминан 35 млн евро таклиф қилди, деб хабар беради Football Italia. "Бургутлар"ни бундай шартлар қониқтирмади - улар рад жавобини беришди.
Машҳур Transfermarkt портали экспертлари французнинг нархини 30 млн еврога баҳоламоқда. Ҳужумчининг "Кристал Пэлас" билан меҳнат шартномаси 2027 йилнинг ярмигача мўлжалланган.
Англия Премьер-лигасининг сўнгги мавсумида Жан-Филипп Матета Лондон жамоаси сафида 37 та ўйинда 14 та гол урди ва иккита голли узатмани амалга оширди, шунингдек, жамоага Англия кубогини ютишда ёрдам берди.
