"Ливерпуль" вингери Федерико Кьеза ёзда "Ювентус"га қайтмайди.
Италиялик футболчига Англиядаги бир йил етарли бўлган кўринади: у жорий трансферлар ойнаси ёпилгунга қадар Италияга қайтишни истамоқда. А Серия клублари кўпинча жароҳатлардан азият чекадиган 27 ёшли футболчини ўз сафига қўшиб олишга шошилмаяпти. Журналист Николо Скиранинг маълум қилишича, "Ювентус" Кьезани таклиф қилиш ҳақида ўйламаяпти. Туринликлар ҳужум қанотини кучайтиришга эҳтиёж сезмоқда, аммо бошқа футболчи - "Манчестер Юнайтед" вакили Жэйдон Санчони маъқул кўрмоқда.
Федерико Кьеза ўтган йилнинг августида "Ювентус"ни тарк этганди. Европа чемпионининг трансфери "Ливерпуль"га 12 млн еврога тушган.













