"Интер Майами" сардори Лионель Месси "Атлас"га қарши ўйинда ҳиссий эпизод марказида қолди.
Ўйин лаҳзаларидан бирида аргентиналик ва рақиб ярим ҳимоячиси Серхио Эрнандес юзма-юз кескин фикр алмашишди.
Баҳснинг қизғин палласида 38 ёшли Месси қўлини рақибининг бошига қўйиб, унинг юзига енгил зарба берди. Учрашув бош ҳаками коста-рикалик Хосе Калдерон можаро иштирокчиларининг бирортасига ҳам огоҳлантириш бермай, воқеани жазосиз қолдирди.
Турнирнинг иккинчи турида “Интер Майами” “Некаска”га, “Атлас” эса “Орландо Сити”га қарши баҳс олиб боради.
