Жорий йилнинг 31 июлидан 3 августига қадар Грузиянинг Батуми шаҳрида таэквондо WT бўйича турли ёш тоифаларида “Batumi Open-2025” халқаро турнири бўлиб ўтади.
Унда дунёнинг ўндан ортиқ давлат терма жамоалари қаторида ўзбекистонлик таэквондо усталари ҳам қатнашади. Мусобақада кадетлар ва ўсмир ёш тоифасидаги беллашувларда ИИВ “ЖАР” cпорт-соғломлаштириш комплекси таэквондочилари – Усмон Абдуғаниев (-27 кг), Муҳаммад Дилшодов (-29кг), Муҳаммад Али Исмоилов (33 кг) Эъзозахон Раҳмонова (-42 кг) ва бошқа спортчиларимиз мамлакатимиз шарафини ҳимоя қилади ва улар Грузияга йўл олишди.
Ушбу спортчиларимизга ИИВ “ЖАР” cпорт-соғломлаштириш комплексининг таэквондо WT бўйича мураббийси Обиджон Абдураҳмонов мураббийлик қилмоқда.
