Европа клублари янги мавсумга тайёргарликни давом эттирмоқда. "Милан" пайшанба куни Австралияда "Перт Глори"га қарши ўртоқлик ўйини ўтказди. Футбол майдонида жиддий кураш бўлмади - Массимилиано Аллегри жамоаси 9:0 ҳисобида ғалаба қозонди.
Баҳсда Ноа Окафор ва Рафаэль Леау дубль қайд этишди. Яна бир мартадан рақиб дарвозасига Филиппо Терраччано, Кристиан Комотто, Самуэль Чуквуэзе, Самуэль Риччи ва Юнус Муса гол урди.
Италия чемпионатининг навбатдаги мавсуми илк турида "Милан" 23 август куни "Кремонезе"ни қабул қилади. Аммо ундан ҳам олдинроқ, 17 август куни Алегрининг жамоаси мамлакат кубогида "Бари" билан куч синашади.
