"Ноттингем Форест"нинг янги футболчиси Дан Ндойе инглиз клубига ўтиши ҳақида фикрларини билдириб ўтди.
Швейцариялик футболчи билан 5 йиллик шартнома имзолангани бугун "ўрмончилар" расмий сайтида эълон қилинди.
"Клуб билан шартнома имзолаганимдан жуда хурсандман. "Форест"да ҳозир ҳақиқатан ҳам ажойиб муҳит ҳукм сурмоқда ва мен бу лойиҳанинг бир қисми бўлишни хоҳлаётганимни дарҳол тушундим. Бу ажойиб тарихга эга амбицияли жамоа," - дея янги футболчининг сўзларини келтиради жамоа матбуот хизмати.
Ндой Англия чемпионатининг янги мавсуми бошланишини интиқлик билан кутаётганини қўшимча қилди.
