Жейдон Санчонинг "Ювентус"га трансфери барбод бўлиш хавфи остида турибди. Англиялик футболчини "Манчестер Юнайтед"дан сотиб олиш учун Турин клуби ўз футболчиларидан бирини сотиши керак. Бу ҳақда Calciomercato хабар бермоқда.
Манбага кўра, манкунианликлар билан муваффақиятли битим тузиш учун "Ювентус" ҳужумчи Нико Гонсалес билан хайрлашишга мажбур бўлмоқда. Мураббийлар штаби келгуси мавсумда аргентиналик футболчига умид қилмаяпти, унинг сотилиши эса Санчони қўлга киритиш учун пул ишлаб олишга ёрдам беради.
Италияликлар бош директори Дамьен Камоллининг сўзларига кўра, "Ювентус" Гонсалесни сотган тақдирдагина Санчони ўз сафига қўшиб олади.
Айни пайтда "Ювентус" ва "Манчестер Юнайтед" ўртасидаги музокаралар тўхтаб турибди.
