"Барселона" яримҳимоячиси Гави бўлажак мавсумда жамоа билан нималарга эришмоқчилиги ҳақида гапирди.
"Кўк-анорранглилар" ўтган мавсумни барча ички турнирлар ғолиби сифатида якунлади, Чемпионлар Лигасида эса ярим финалга қадар етиб бориб, Миланнинг "Интер" клубига имкониятни бой бериб қўйди.
"Мақсадимиз? Ўтган мавсумни такрорлаймиз деб умид қиламиз, аммо Чемпионлар Лигасида ғалаба қозонамиз. Бу турнирда ғолиб бўлишни ҳамма орзу қилади. Кундан-кунга, ўйиндан-ўйинга олдинга интилиш керак", - деди Гави интервьюсида.
16 август куни Ханс-Дитер Флик жамоаси Ла Лига 1-тури доирасида сафарда "Мальорка" меҳмони бўлади.
