"Тоттенхэм" сардори Сон Хён Мин тез орада клубни тарк этишини маълум қилди.
33 ёшли футболчи ўз қарори ҳақида "шпорлар" раҳбарияти ва янги бош мураббий Томас Франкни хабардор қилган, сўнгра жамоатчиликка баёнот берган.
"Мен "Тоттенхэм"дан мени сотишни сўрадим. Қарор қабул қилинди. Мен қўлимдан келганини қилдим ва энди менга янги чақирув керак. Бу менинг ҳаётимдаги энг қийин қарор. Мен шимолий Лондонга инглиз тилини билмайдиган бола бўлиб келганман. Энди мен кетишим керак. Менга шунча меҳр берган "шпорлар"нинг барча мухлисларига раҳмат," - дея жанубий кореялик футболчининг сўзларини келтиради журналист Жей Харрис.
Сон Хён Мин ўн йил давомида "Тоттенхэм" шарафини ҳимоя қилган. Катта эҳтимол билан форвард фаолиятини МЛСда давом эттиради - "Лос-Анжелес" билан музокаралар давом этмоқда.
