"Барселона" яримҳимоячиси Гави жамоанинг Ханс-Дитер Флике қўл остидаги муваффақиятининг асосий сабабларидан бирини айтди.
Каталонияликлар 2024/25 йилги кампанияни муваффақиятли ўтказиб, Ла Лига, Испания кубоги ва Суперкубокда ғолиб чиқди. Фақат Чемпионлар Лигасидаги ғалаба етишмади.
"Ўтган мавсумдаги муваффақият калитларидан бири таркибимиз эди. Мен ҳамма ўйинларда ҳам бошланғич таркибда майдонга тушмадим, аммо ўйин охирида муҳим роль ўйнадим. Кучли яримҳимоячиларнинг борлиги ҳар доим жамоага устунлик беради," - дея 20 ёшли испанияликнинг сўзларини келтиради Barca Universal.
Гави ўтган мавсумда "кўк-анорранглилар"нинг 42 та учрашувида қатнашиб, 3 та гол ва 3 та голли узатмага муаллифлик қилган.
