"РБ Лейпйиг" ҳужумчиси Беньямин Шешко "Ньюкасл"га ўтишга яқин турибди.
"Ҳаккалар" словениялик футболчи учун курашда "Манчестер Юнайтед"ни ортда қолдирди. Журналист Саша Тавольерининг ёзишича, "Ньюкасл" футболчига яхшиланган таклиф билан чиққан - у бунга рози бўлган. Словениядаги манбалар ҳам шунга ўхшаш маълумотларни тақдим этади.
Трансфер қиймати тахминан 78 млн фунт стерлинг - қарийб 90 млн еврони ташкил этади.
Аввалроқ, Беньямин Шешко "Манчестер Юнайтед"га ўтишга тайёрлиги ҳақида хабарлар тарқалган эди. Сўнгги кунларда айнан 22 ёшли форвард манкунианликларнинг устувор мақсади сифатида тилга олинаётганди.
