"Пафос" "Форталеза"нинг собиқ марказий ҳимоячиси Давид Луисни ўз сафига қўшиб олди, деб ёзади Globo.
38 ёшли ҳимоячи бразилияликлар билан 2026 йил охиригача мўлжалланган шартномасининг қолган қисмидан воз кечди. Шу тариқа, Луис томонларнинг розилиги билан "Форталеза"ни тарк этди.
Энди бразилиялик футболчи Чемпионлар лигаси саралашининг 3-босқичида "Динамо"га қарши майдонга тушадиган "Пафос" сафига бориб қўшилади. Давиднинг шартномаси уч йилга мўлжалланган.
Ўтган мавсумда Луис 17 та ўйинда майдонга тушиб, 4 та сариқ карточка олган.













