"ПСЖ" дарвозабони Жанлуижи Доннарумма бошланғич таркибдаги ўрни борасида юзага келган мавҳумликдан норози. RMC Sport’га маълум бўлишича, италиялик дарвозабон клубнинг тез орада янги дарвозабон келиши ҳақидаги огоҳлантиришидан ранжиган - "ПСЖ" таркибига Люк Шевалье қўшилиши кутилмоқда.
Албатта, Доннарумма жамоа тўртта чемпионлик - Франция чемпионати, Франция кубоги, Франция Суперкубоги ва Чемпионлар лигасини қўлга киритган ажойиб 2024/2025 йилги мавсумдан сўнг захирада қолишни истамайди.
Жанлуижи Доннарумманинг "ПСЖ" билан амалдаги шартномаси 2026 йилнинг ярмигача мўлжалланган. Матбуот маълумотларига кўра, шартномани узайтириш бўйича музокаралар қийин кечмоқда.
