Суперлига 16-турида "Динамо" ўз майдонида "Навбаҳор" билан дуранг ўйнади - 2:2.
Самарқандликлар биринчи бўлимда Дмитрий Плетнёв (32) ва Олександр Кучеренконинг (35) голлари эвазига ишончли ҳисобда олдинга чиқиб олганди. "Навбаҳор" иккинчи тайм бошида тезкор голлар билан мувозанатни тиклади - Аббоб Ғуломов (50) ва Русланбек Жиянов (54 пенальтидан) голларга муаллифлик қилишди.
Самарқандликлар сафида Журани Ферреира 86-дақиқада пенальтидан фойдалана олмади.
"Динамо" 30 очко билан турнир жадвалида 5-ўринда. "Навбаҳор" 27 очко билан 7-поғонада.













