Лондоннинг "Арсенал" клуби ҳужумчи Александр Исакга унинг ҳамюрти Виктор Дьёкерешни сотиб олишдан олдин ҳам қизиқиш билдираётган эди. ESPN хабарига кўра, "канонирлар" вакилларида "ҳаккалар"нинг қимматбаҳо юлдузининг жисмоний ҳолатидан хавотир пайдо бўлган. Шу жиҳатни инобатга олган лондонликлар Исак учун жуда катта маблағ тўлашни ортиқча риск деб билишди ва пойгадан чиқиб кетишди.
Айни дамда Александр Исак учун курашни "Ливерпуль" давом эттирмоқда. Миш-мишларга кўра, яқинда "Ньюкасл" 25 ёшли форвардни "қизиллар"га деярли 130 млн еврога сотишдан бош тортган, аммо футболчининг ўзи Арне Слот жамоасига ўтмоқчи.













