"Ливерпуль" ҳужумчи Дарвин Нуньеснинг нархини пасайтиришга шошилмаяпти. "Қизиллар" энди футболчини режаларига киритмаяпти ва уни ёзда қўйиб юборишга тайёр, аммо барибир катта маблағ ишлаб олиш ниятида. Инсайдер Фабрицио Романонинг ёзишича, "Ливерпуль" уругвайлик футболчи учун 65 млн евро талаб қилмоқда. 26 ёшли форвардга сўнгги кунларда "Ал-Ҳилол" ва "Милан" клублари қизиқиш билдирмоқда.
Мерсисайдликлар ёз охиригача Нуньеснинг сўралаётган нархини қайта кўриб чиқиши тахмин қилинмоқда, агар муносиб таклифлар келмаса ва футболчининг ўзи кетишни талаб қилса.
2022 йилнинг ёзида "Ливерпуль" Дарвин учун "Бенфика"га тахминан 85 миллион евро тўлаганди.
