Ёзда "Манчестер Юнайтед"дан Каталониянинг "Барселона" клубига ўтган англиялик ҳужумчи Маркус Рэшфорд янги мавсумда Ла Лигада рўйхатдан ўтиши борасида фикр билдирди.
"Рўйхатга олиш? Бу ҳақда ташвишланмайман. Мен клубга тўлиқ ишонаман. Ҳозир бор эътиборимни мавсумга тайёргарликка қаратганман. Ҳамма Чемпионлар Лигасида ғалаба қозонишни мақсад қилган. Ўтган мавсум ажойиб бўлди, аммо бу мавсумда бу натижани яхшиламоқчимиз," - дея ҳужумчининг сўзларини келтиради Mundo Deportivo.
Эслатиб ўтамиз, "кўк-анорранглилар" Рэшфордни сотиб олиш ҳуқуқи билан ижарага олган эди. 2024/2025 йилги мавсумнинг иккинчи ярмида Маркус "Астон Вилла"да ижарада ўйнади.













