Yozda "Manchester Yunayted"dan Kataloniyaning "Barselona" klubiga o‘tgan angliyalik hujumchi Markus Reshford yangi mavsumda La Ligada ro‘yxatdan o‘tishi borasida fikr bildirdi.
"Ro‘yxatga olish? Bu haqda tashvishlanmayman. Men klubga to‘liq ishonaman. Hozir bor e’tiborimni mavsumga tayyorgarlikka qaratganman. Hamma Chempionlar Ligasida g‘alaba qozonishni maqsad qilgan. O‘tgan mavsum ajoyib bo‘ldi, ammo bu mavsumda bu natijani yaxshilamoqchimiz," - deya hujumchining so‘zlarini keltiradi Mundo Deportivo.
Eslatib o‘tamiz, "ko‘k-anorranglilar" Reshfordni sotib olish huquqi bilan ijaraga olgan edi. 2024/2025 yilgi mavsumning ikkinchi yarmida Markus "Aston Villa"da ijarada o‘ynadi.













