"Ренн"нинг сўнгги икки мавсумдаги энг яхши тўпурари "Милан" эътиборига тушди.
Sky Sport Italia нашрининг хабар беришича, Арно Калимуэндо "Ливерпуль"дан Дарвин Нуньесга муқобил сифатида кўрилаётган ҳужумчилар қаторидан жой олган.
Шунингдек, рўйхатга Душан Влахович ("Ювентус") ва Расмус Хёйлунд ("Манчестер Юнайтед") ҳам киритилган.
Нуньесга келсак, "россонерилар" у билан аллақачон гаплашган, аммо умуман олганда, унинг трансфери бўйича музокаралар мураккаб деб баҳоланмоқда. Шунингдек, уругвайлик футболчига "Ал-Ҳилол" ҳам даъвогарлик қилмоқда, бироқ Саудия клубидан ҳозирча расмий таклиф бўлмаган.
