"Интер Майами" Лига кубоги доирасида "Некакса"га қарши кечган ўйинда Лионель Месси олган жароҳат бўйича баёнот берди.
Аргентиналик футболчи тизза ости пайини шикастлаб олди ва учрашувнинг 11-дақиқасида захирага олинди.
"Месси жароҳатининг оғирлик даражасини аниқлаш учун тиббий кўрикдан ўтди. Натижалар ўнг оёқ мушакларининг енгил шикастланишини тасдиқлади. Сафга қайтиш санаси тикланиш курси давомида футболчи организмининг реакциясига боғлиқ бўлади", - деб ёзади клуб расмий сайти.
Тахминларга кўра, Лионель Месси бир неча ҳафта майдонга туша олмаслиги мумкин.
