"Наполи" футболчиси Маттео Политано жамоанинг янги мавсумга тайёргарлигини ижобий баҳолаб, неаполликлар Чемпионлар лигасига қайтишга тайёрлигини таъкидлади. Бу ҳақда у TuttoMercatoWeb нашрига берган интервьюсида гапирди.
"Биз ҳамма билан рақобатлаша оладиган таркибга эга эканлигимизни биламиз. Қилаётган ишимиз ва жамоа таркибидан мамнунмиз. Энди чемпионат бошланадиган августни кутамиз", - дейди Политано.
Ўтган мавсумда 31 ёшли вингер А Серияда 37 та ўйинда майдонга тушиб, 3 та гол урди ва 5 та голли узатмани амалга оширди.
