Дортмунднинг "Боруссия" клуби вингер Жэйдон Санчони учинчи бор жамоага олиб келиш бўйича иш олиб бормоқда. Sky Sports News хабарига кўра, "асаларилар" ҳали "Манчестер Юнайтед"га расмий таклиф билан чиқмаган, аммо шартлар бўйича маълумотларни ўрганмоқда.
Қайд этилишича, "Манчестер Юнайтед" 25 ёшли Санчони сотишни маъқул кўради, аммо яна бир ижара вариантини истисно қилмаяпти. Шу билан бирга, "қизил иблислар" ижара шартномасида сотиб олиш имкониятини кўрсатилишини хоҳлашади.
Ўтган мавсумда Санчо "Челси"да ижарада ўйнаган, аммо Лондон клуби футболчини сотиб олмасликка қарор қилганди. Жэйдоннинг "Манчестер Юнайтед" билан амалдаги шартномаси 2026 йилнинг ярмигача мўлжалланган.













