"Челси" трансфер ойнаси ёпилгунга қадар бир қатор футболчиларни сотиши мумкин.
"Кўклар" аллақачон "Эвертон"нинг ярим ҳимоячи Кирнан Дьюсбери-Холл трансфери бўйича таклифига розилик билдирган, дея хабар бермоқда журналист Николо Скира. Битимнинг умумий қиймати бонусларни ҳисобга олган ҳолда тахминан 31 миллион еврони ташкил этади. 26 ёшли футболчи "ирисчилар" билан 2030 йилгача мўлжалланган меҳнат шартномасини имзолайди.
Аввалроқ, Карни Чуквуэмека ("Боруссия" Дортмунд), Лесли Угочукву ва Армандо Броя (иккаласи ҳам "Бёрнли") сотувга қўйилиши маълум бўлганди.
Умуман олганда, бу ёзда "Челси" деярли 280 млн еврога янги футболчилар сотиб олинган, ҳозирда эса трансферлардан келадиган даромад тахминан 152 млн еврога баҳоланмоқда.
