"Борнмут" дарвозабони Норберту Мурара Нету Бразилияга қайтади, деб хабар берди Х ижтимоий тармоғида журналист Девид Орнштейн.
Манбага кўра, "Ботафого" 36 ёшли бразилиялик футболчини текинга ўз сафига қўшиб олади. Инглиз клуби иш ҳақини камайтириш учун футболчи билан хайрлашишга қарор қилди, чунки Нету ҳозирда энг кўп маош олувчи футболчилар қаторига киради.
Бразилиялик дарвозабон "Ботафого" билан 6 ойга узайтириш шарти билан икки йиллик шартнома имзолаши кутилмоқда.
2024/25 йилги мавсумда Нету "Арсенал"да ижара асосида ўйнади. У барча турнирларда 4 та ўйинда майдонга тушиб, 4 та гол ўтказиб юборган.
У бунгача "Барселона", "Валенсия", "Ювентус" ва "Фиорентина" клубларида ҳам ўйнаган.
