Саудия Арабистонининг "Ал-Ҳилол" клуби ҳужумчиси Александр Митрович Лондоннинг "Тоттенхэм" клубига ўтиши мумкин. Бу ҳақда журналист Себастьен Видаль хабар бермоқда.
Манбага кўра, "Ал-Ҳилол" 30 ёшли сербни "Тоттенхэм"га тахминан 35 миллион евро эвазига қўйиб юборишга тайёр. Бироқ, "шпорлар"га жиддий тўсиқ бўлаётган нарса - Митровичнинг маоши йилига қарийб 25 миллион еврони ташкил этади.
Ҳужумчи ўтган мавсумда барча мусобақаларни қўшиб ҳисоблаганда 36 та ўйинда майдонга тушиб, 28 та гол урди ва еттита ассистни ўз ҳисобига ёздириб қўйди.
Transfermarkt маълумотларига кўра, Митровичнинг бозор нархи 18 млн еврони ташкил қилмоқда.
