Германиянинг 2-Бундеслигасида ҳаракат қилаётган “Фортуна Дюсселдорф” клуби ўз мухлисларининг фикрини тинглаб, Исроил терма жамоаси футболчиси Шон Вайсман билан шартнома имзоламасликка қарор қилди.
Бу ҳақда Jpost портали хабар берди.
Форвард Испаниянинг "Гранада" клубидан 500 минг евро эвазига "Фортуна"га ўтиш бўйича шартнома имзолаши керак эди, бироқ ижтимоий тармоқларда Фаластинга нисбатан салбий фикрларни ўз ичига олган баёнот клубни хафа қилди.
Охир-оқибат у ўчирилди, аммо бу Вайсманни одамларнинг норозилигидан қутқармади. "Барча танқидларни қабул қилсам-да, тўлиқ контекст инобатга олинмагани мени хафа қилади", деди футболчи воқеадан кейин.
