Ҳужумчи Душан Влахович ёзги трансферлар ойнаси якунида "Ювентус"дан "Манчестер Юнайтед"га ўтиши мумкин. Нуфузли инсайдер Фабрицио Романонинг ёзишича, Влахович номзоди "қизил иблислар"га таклиф қилинган. Манкунианликлар ҳозирда Беньямин Шешко учун "Ньюкасл" билан кураш олиб бормоқда. Агар словениялик футболчини ўз сафига қўшиб ололмаса, "МЮ" 25 ёшли Влахович вариантига ўтиши мумкин.
Душан Влаховичнинг нархи Беньямин Шешконикидан анча арзон бўлади. Сербияликнинг "Ювентус" билан амалдаги шартномаси 2026 йилнинг ярмигача мўлжалланган. Влахович Турин клуби сафида жами 145 та ўйин ўтказиб, 58 та гол ва 14 та голли узатмани ўз ҳисобига ёздириб қўйган.













