"Аталанта" "Интер"нинг ҳужумчи Адемола Лукман трансфери бўйича таклифини қабул қилмади.
Томонлар келишув шартларини келиша олмади, ҳозирда музокаралар тўхтатилган, дея хабар бермоқда инсайдер Жанлука ди Марцио. "Интер" "Аталанта"дан аниқ талаблар қўйилишини кутмоқда. Милан гранди раҳбарияти кўпи билан яна ўн кун кутишга тайёр.
Миш-мишларга кўра, "Интер" Адемола Лукман учун тахминан 45 млн евро таклиф қилган. Матбуотда клуб "Аталанта"нинг нигериялик юлдузига муқобил сифатида кўраётган футболчилар рўйхати ҳам келтирилган.
Лукманнинг ўзи трансферни талаб қилмоқда ва трансфер амалга ошишига умид қилмоқда.
