"Челси"нинг янги аъзоси Эстевао Виллиан Тьяго Силва билан бўлган суҳбатни эслади.
Бразилиялик ҳимоячи 2020-2024 йиллар давомида "кўклар" шарафини ҳимоя қилган бўлса, унинг ёш ҳамюрти ёзда жамоага келиб қўшилди.
"Челси" билан шартнома имзолаганимдан сўнг, Тьяго Силва 2024 йил охиридаги ўйинлардан бирининг якунида ёнимга келди. Биз суҳбатлашдик ва у менга "Челси" ёқиб қолишини айтди. Энди бу қанчалик ажойиб клуб эканини ўзим кўриб турибман," - дея 18 ёшли вингернинг сўзларини келтиради Лондон гранди матбуот хизмати.
Эстевао ўз ватанида "Палмейрас" сафида ўйнаган. Тьяго Силва "Флуминенсе" шарафини ҳимоя қилган.













