"Сассуоло" сардори Доменико Берарди клубни тарк этмоқчи эмас. "Нероверди" бош директори Жованни Карневали 31 ёшли футболчи янги шартнома тузишга яқинлигини маълум қилди, дея хабар бермоқда инсайдер Николо Скира. Музокаралар ҳақидаги маълумотлар уч ой олдин пайдо бўлган: ўшанда вингер 2028 йилгача мўлжалланган ва яна бир йилга узайтириш имкониятини ўз ичига олган шартномани имзолаши мумкинлиги маълум бўлганди.
Доменико Берарди "Сассуоло" сафида 399 та ўйинда майдонга тушиб, 148 та гол ва 108 та голли узатмага муаллифлик қилган. Ўтган мавсумда футболчи жамоага Б Серияда ғалаба қозонишга ва юқори дивизионга қайтишга ёрдам берди.
