"Sassuolo" sardori Domeniko Berardi klubni tark etmoqchi emas. "Neroverdi" bosh direktori Jovanni Karnevali 31 yoshli futbolchi yangi shartnoma tuzishga yaqinligini ma’lum qildi, deya xabar bermoqda insayder Nikolo Skira. Muzokaralar haqidagi ma’lumotlar uch oy oldin paydo bo‘lgan: o‘shanda vinger 2028 yilgacha mo‘ljallangan va yana bir yilga uzaytirish imkoniyatini o‘z ichiga olgan shartnomani imzolashi mumkinligi ma’lum bo‘lgandi.
Domeniko Berardi "Sassuolo" safida 399 ta o‘yinda maydonga tushib, 148 ta gol va 108 ta golli uzatmaga mualliflik qilgan. O‘tgan mavsumda futbolchi jamoaga B Seriyada g‘alaba qozonishga va yuqori divizionga qaytishga yordam berdi.
