"Брюгге" ярим ҳимоячиси Ардон Яшари тез орада "Милан" сафини тўлдиради.
23 ёшли футболчи аллақачон "россонерилар"нинг розилигини олган, "Брюгге" билан ҳам келишувга эришилган. Битим қиймати тахминан 39 миллион еврони ташкил этади. Журналист Николо Скиранинг маълум қилишича, Яшари "Милан"га ўтишни орзу қилган, шунинг учун у Европанинг бир қатор нуфузли клублари - "Манчестер Юнайтед", "Астон Вилла", "Боруссия Дортмунд" ва "Байер"дан воз кечган. Шунингдек, хавбек хизматига "Вест Хэм", "Ноттингем Форест" ва Саудия Арабистонининг "Неом" клублари қизиқиш билдирган.
Ардон Яшари "Брюгге" сафида 52 та ўйинда майдонга тушиб, 4 та гол ва 6 та голли узатмага муаллифлик қилган. Швейтсариянинг Transfermarkt порталидаги нархи - 32 млн евро.
