"Коринтианс" клуби директори Роберто де Андраде яримҳимоячи Паулиньонинг "Тоттенхэм"га 20 миллион евро эвазига ўтаётганини тасдиқлади. Globoesporte нашри бу ҳақда тўлиқ маълумотни чоп этган.
"Паулиньога клуб муваффақиятларида ўз ҳиссасини қўшгани учун раҳмат айтишни хохлардик. Сафимизда шундай футболчи тўп сурганидан ҳар доим фахрланиб юрамиз", деди Андраде.
Футболчининг ўзи эса қуйидаги фикр билдирган: "Бу жамоа сафида учта жуда ажойиб мавсумларни ўтказдим. Бу ерда футболчи сифатида ўсишим учун кўп ёрдам кўрсатишди. Клубга ҳаммаси учун раҳмат айтаман. Бу ерга қачондир қайтсам хурсанд бўлардим".
Қайд этиб ўтайлик, Бразилия клуби терма жамоа ўйинчисининг сотилишидан олинган маблағнинг фақатгина ярмига эгалик қилади. Сабаби Паулиньо трансфер ҳуқуқининг тенг ярми Audax-SP компаниясига тегишли.
