Англиянинг "Ливерпуль" клуби устози Арне Слот германиялик ярим ҳимоячи Флориан Вирц билан шартнома имзолагани ҳақида фикр билдирди. "Қизиллар" германияликни Леверкузеннинг "Байер" клубидан 125 миллион еврога сотиб олди.
"Вирц ҳужум чизиғига креативлик қўшади. Александр-Арнольд трансферидан сўнг биз ҳимоя томондан йўқотишга учрадик. Трентнинг узатмалари ва ёриб ўтишлари жамоамиз учун жуда муҳим эди. Флориан ҳам худди шундай хусусиятларга эга, аммо у бошқа позицияда ўйнайди," - дея нидерландиялик мутахассиснинг сўзларини келтиради This is Anfield.
Эслатиб ўтамиз, Трент Мадриднинг "Реал" клубига ўтган, Вирц эса "Ливерпуль" билан 5 йиллик меҳнат шартномасини имзолаган эди.
